Melissa Reddy fréttamaður Sky Sports News segir möguleika á því að Manchester United festi kaup á Max Aarons hægri bakverði Norwich.
Aarons féll með Norwich á síðustu leiktíð en hann hefur áður verið orðaður við félagið.
Líkur eru á að Erik ten Hag vilji fá inn hægri bakvörð en Aaron Wan-Bissaka má finna sér nýtt félag samkvæmt fréttum.
Reddy sér um að fylgjast með Manchester United fyrir Sky Sports en hún segir að stærri lið Englands hafi áhuga á Aarons.
Reddy segir að málið gæti þróast á næstunni en Erik ten Hag hefur krafist þess að leikmannahópur United verði styrktur.