Manchester United ætti að íhuga það að fá Danny Welbeck aftur til félagsins frá Brighton í sumar.
Þetta segir Rio Ferdinand, fyrrum varnarmapður liðsins, en Welbeck var flottur í 2-1 sigri Brighton á einmitt Man Utd um helgina.
Welbeck er uppalinn hjá Rauðu Djöflunum og skoraði á sínum tíma 29 mörk í 142 leikjum áður en hann kvaddi árið 2014.
,,Danny Welbeck hefði byrjað í leiknum gegn Brighton. Hann var upp á sitt besta eins og gegn Real Madrid á Santiago Bernabeu fyrir tíu árum,“ sagði Ferdinand.
,,Miðað við þessa frammistöðu, ef þú vilt fá framherja til að hlaupa í skarðið þá gerirðu ekki mistök með Danny Welbeck.“
,,Segið við hann að hann fái að spila 15-20 leiki á tímabili og spili þegar Cristiano Ronaldo spilar ekki. Þetta gefur okkur hreyfingu í sókninni og hann myndi hlaupa fyrir aftan varnarlínunarnar eins og hann gerði í leiknum.“