Guðmundur Þórarinsson er formlega genginn í raðir OFI Crete í Grikklandi. Félagið staðfestir þetta.
Hann er þriðji Íslendingurinn til að fara til Grikklands í sumar en Hörður Björgvin Magnússon samdi við Panathinaikos og Viðar Örn Kjartansson við Atromitos.
Guðmundur kemur til Crete á frjálsri sölu en hann stoppaði stutt í AaB í Danmörku eftir áramót.
Fyrir það lék Guðmundur með New York City í tvö ár og spilaði 43 leiki ásamt því að skora tvö mörk í MLS-deildinni. Hann varð meistari með liðinu í fyrra.