Manchester United er nú búið að blanda sér í baráttuna um Sergej Milinkovic-Savic sem spilar með Lazio.
Milinkovic-Savic hefur lengi verið á óskalista enskra liða en hann hefur verið einn besti miðjumaður Ítalíu í dágóðan tíma.
Frammistaða Milinkovic-Savic með Lazio hefur vakið verðskuldaða athygli og var Arsenal sagt á höttunum eftir honum fyrr í sumar.
Nú er Man Utd sterklega nefnt til sögunnar og gæti hann svo sannarlega styrkt miðju liðsins.
Manchester Evening News hefur nú farið yfir mögulegt byrjunarlið Man Utd ef Milinkovic-Savic mætir á Old Trafford og hvernig það væri sterkast með hann á vellinum.
Milinkovic-Savic myndi spila með með bæði Bruno Fernandes og Fred á miðjunni og er ekkert pláss fyrir Scott McTominay.
Svona telur MEN að sterkasta lið Man Utd verði ef Serbinn gengur í raðir félagsins.