Íþróttablaðamaðurinn Gerard Romero heldur því fram að Chelsea hyggist stela Frenkie de Jong af Manchester United.
De Jong, sem er miðjumaður Barcelona, hefur verið orðaður við Man Utd í allt sumar en svo virðist sem viðræður gangi hægt fyrir sig.
Erik ten Hag, stjóri Man Utd, vann með de Jong hjá Ajax. Hann er að reyna að byggja upp nýtt lið á Old Trafford og vill hafa de Jong með í uppbyggingunni.
Chelsea ætlar hins vegar að reyna að freista de Jong þar sem það virðist ganga hægt fyrir Man Utd að krækja í leikmanninn.
De Jong sjálfum liggur ekkert á að komast frá Barcelona. Félagið vill hins vegar selja hann vegna fjárhagsvandræða.