Víkingur Reykjavík hóf leik í undankeppni Meistaradeildar Evrópu í kvöld er liðið spilaði við Malmö frá Svíþjóð ytra.
Um var að ræða fyrri leik liðanna af tveimur en Malmö kemur svo til Íslands í heimsókn þann 12. júní næstkomandi.
Það varð allt vitlaust í þessum fyrri leik liðanna í kvöld og þá sérstaklega í fyrri hálfleik eins og mikið hefur verið fjallað um.
Malmö tók forystuna á 16. mínútu fyrri hálfleiks er Martin Olsson kom boltanum í netið.
Kristall Máni Ingason átti mjög góðan hálfleik fyrir Víkinga og tókst að jafna metin fyrir Víkinga á 38. mínútu en hann var þá á gulu spjaldi.
Kristall fékk að líta sitt annað gula spjald eftir að hafa skorað markið fyrir að ‘sussa’ á áhorfendur sem var alveg galin dómgæsla frá dómara kvöldsins.
Hann ræddi við Expressen í Svíþjóð eftir leikinn sem lauk með 3-2 sigri Malmö.
,,Annað gula spjaldið var bara heimskulegt. Ég vissi ekki að ég ég væri að gera eitthvað rangt. Þetta var heimskulegt en það er eins og það er,“ sagði Kristall við Expressen.
,,Ég vissi ekki að ég myndi fá spjald, ef svo er þá tek ég því. Tilfinningarnar tóku yfir og ég hefði ekki gert þetta vitandi það að ég fengi spjald.“