Það verður EM-Torg á Ingólfstorgi í sumar þar sem hægt verður að horfa á leiki kvennalandsliðsins á mótinu. Knattspyrnusamband Íslands segir frá þessu.
EM hefst á morgun en Ísland hefur leik á sunnudag.
Flestir leikir mótsins verða sýndir á risaskjá á Ingólfstorgi í bestu hljóðgæðum, þar á meðal allir leikir Íslands.
Rás 2 verður einnig á svæðinu með beinar útsendingar og umfjallanir.
Opinberir styrktaraðilar EM-torgsins eru Icelandair, Coca-Cola, Landsbankinn og N1. Fyrirtækin eru einnig bakhjarlar KSÍ. Reykjavíkurborg kemur þá einnig að hátíðarhöldunum á torginu.
Allir eru hvattir til að mæta og upplifa stemninguna.
Leikir Íslands í riðlakeppninni
Sunnudaginn 10. júlí Belgía – Ísland kl. 16.00
Fimmtudaginn 14. júlí Ítalía – Ísland kl. 16.00
Mánudaginn 18. júlí Ísland – Frakkland kl. 19.00