Paulo Dybala er án félags þessa stundina en hann hefur yfirgefið lið Juventus og leitar að nýju heimili.
Í fyrra var Dybala orðaður við ensk félög en þá var greint frá því að hann hefði engan áhuga á því að fara í ensku úrvalsdeildina.
Það hefur alltaf verið vilji Dybala að spila áfram á Ítalíu en hann hefur nú tekið U-beygju og er reiðubúinn að skrifa undir á Englandi.
Ekkert félag er nálægt því að semja við Argentínumanninn en samkvæmt Sky Italia hefur ekkert lið á Ítalíu heldur haft samband.
Nú er Dybala tilbúinn að skoða aðra möguleika og opnar dyrnar fyrir bæði Englandi sem og Ítalíu.
Dybala er 28 ára gamall sóknarmaður og spilaði 29 leiki fyrir Juventus á síðustu leiktíð ásamt því að skora 10 mörk.