Jack Grealish er oft ásakaður um það að lifa óheilbrigðum lífstíl en hann elskar það að kíkja út á lífið og skemmta sér með vinum þegar það kannski á ekki við hæfi.
Grealish hefur fengið töluverða gagnrýni á Englandi vegna þess en hann er á mála hjá Manchester City og kostaði liðið 100 milljónir punda.
Grealish er hins vegar ekkert að grínast í sumar og hefur æft eins og brjálæðingur í Grikklandi undanfarna viku.
Enska landsliðsmanninum er líkt við grískan guð eftir myndir sem birtust af honum á æfingu í Grikklandi.
Það er óhætt að segja að Grealish sé í svakalegu standi og er reiðubúinn fyrir nýtt tímabil á Englandi.