Dani Ceballos, leikmaður Real Madrid, er mjög ofarlega á óskalista ítalska stórliðsins AC Milan samkvæmt heimildum Goal.
Um er að ræða 25 ára gamlan miðjumann sem spilar með Real Madrid en sinnir þar miklu varahlutverki.
Real er vel opið fyrir því að selja Ceballos sem lék um tíma með Arsenal á láni en tókst ekki að heilla nægilega á Englandi.
Ceballos lék aðeins 17 leiki fyrir Real á síðustu leiktíð og er líklegt að hann endi hjá AC Milan ef hann verður seldur eða lánaður.
Samband Real og AC Milan er gríðarlega gott og ef ítalska liðið sýnir alvöru áhuga væri það mjög líklegur áfangastaður.
Real mun biðja um í kringum 15-20 milljónir evra fyrir Ceballos sem mun ekki festa sig í sessi á Santiago Bernabeu miðað við undanfarin ár.