Davíð Ingvarsson fékk að líta beint rautt spjald strax á 9. mínútu í leik Breiðabliks gegn FH í Bestu deild karla í gærkvöldi.
Dómurinn var ansi umdeildur og eru margir á því að þetta hafi aðeins átt að vera gult spjald.
Þar á meðal er sparkspekingurinn Kristján Óli Sigurðsson.
„Hahahahah. Crossfit strákurinn hætti við að gefa Gumma seinna gula því hann tekur svo mikið í réttstöðu og hnébeygju,“ skrifaði Kristján Óli á Twitter. Sigurður Hjörtur Þrastarson, dómari leiksins, hefur áður keppt í Crossfit og er Guðmundur Kristjánsson, sem Kristján vildi sjá fá sitt annað gula spjald, styrktarþjálfari.
Guðmundur svaraði Kristjáni á Twitter. „Haha þetta var alvöru dýfa vinur. En ég skal bjóða þér fría kennslu í beygjum ef þú vilt,“ skrifaði Guðmundur um brot sitt á Jasoni Daða Svanþórssyni, leikmanni Blika.
Leiknum í gær lauk með markalausu jafntefli. Blikar eru á toppi deildarinnar en FH er í níunda sæti.
Haha þetta var alvöru dýfa vinur. En ég skal bjóða þér fría kennslu í beygjum ef þú vilt
— Guðmundur Kristjáns (@GummiKri) July 24, 2022