fbpx
Miðvikudagur 17.ágúst 2022
433Sport

Formaður KR bregst við slæmu gengi með pistli – „Í dag erum við í djúpri holu“

Helgi Sigurðsson
Mánudaginn 25. júlí 2022 11:46

Páll Kristjánsson, formaður knattspyrnudeildar KR (fyrir miðju)

Ekki missa af Helstu tíðindum dagsins í pósthólfið þitt

Lesa nánar

Páll Kristjánsson, formaður knattspyrnudeildar KR, birti í dag pistil á heimasíðu KR, þar sem hann skrifar hvatningarorð til stuðningsmanna eftir dapurt gengi karlaliðsins á tímabilinu.

KR er í sjöunda sæti Bestu deildar karla eftir þrettán leiki. Liðið getur lyft sér upp í sjötta sæti með sigri á Val í stórleik í kvöld.

Væntingar stuðningsmanna KR eru mun meiri en þetta og bregst formaðurinn því við með eftirfarandi pistli:

Ágætu félagar í KR

Árangur KR liðsins það sem af er sumri er arfaslakur. Árangurinn er langt undir þeim væntingum sem við gerum til liðsins og ekki í samræmi við kröfur okkar KR-inga.

Hvað veldur og hvað er til ráða? Hlutina þarf að skoða í stærra samhengi en tímabundinn árangur á velli. Staðan í deildinni er ákveðinn mælikvarði á stöðuna eins og hún er í dag. Við megum þó ekki gleyma því að saga KR spannar 123 ár. Það skiptast á skin og skúrir. Tímabilið 2019 setti KR liðið stigamet undir stjórn núverandi þjálfarateymis. Í dag erum við í djúpri holu. Holu sem við vinnum okkur upp úr og aftur á ný mun félagið okkar blómstra.

Velgengni þarf að vinna fyrir. Hún er ekki sjálfsprottin eða sjálfsögð. Það þarf að kunna að tapa og bregðast við mótlæti. Það verður ekki gert með fýlusvip eða gífuryrðum. Það verður ekki gert með því að sitja heima í barlómi og bölvi. Spretta svo fram úr sófanum þegar vel gengur. Í gegnum súrt og sætt stöndum við saman.

Ég tala fyrir sjálfan mig þegar ég segi að stuðningur minn við þjálfarateymið og liðið er heill. Stuðningur minn einskorðast ekki við einstaka leikmenn. Stuðningur minn er skilyrðislaus stuðningur við félagið okkar KR. Ég hef mínar skoðanir á liðinu og hvernig það skuli skipað en ég mæti á völlinn sama hvað. Ég er hundfúll með árangur liðsins en ég mæti samt. Því ég veit að KR kemur til baka. Ég ætla mér að eiga þátt í þeirri endurkomu.

KR er alltaf í fremstu röð. Það höfum við umfram öll önnur félög á Íslandi. Þau félög er nú skipa efstu sæti íslenska knattspyrnu eru vel að því komin. En gleymum því ekkki að samanlagður fjöldi titla þeirra nær ekki þeim fjölda titla sem KR hefur unnið á þessari öld. Hann nær ekki einu sinni þeim fjölda titla sem KR hefur unnið undir stjórn núverandi þjálfara. Gleymum því ekki.

En við verðum að líta í eigin barm. Við getum betur og verðum að gera betur. KR stendur á tímamótum. Síðar á þessu ári hefst mesta uppbygging í sögu félagsins. Við hefjum framkvæmdir á glæsilegri æfinga- og keppnisaðstöðu sem mun eiga sér enga líka hér á landi. Félagsaðstaða sem mun gjörbreyta allri umgjörð félagsins. Þessar breytingar munu nýtast öllum okkar iðkendum og nærsamfélagi. Þá mun það hafa veruleg jákvæða áhrif á rekstrarumhverfi félagsins og styrkja samkeppnisstöðu.

Á sama tíma verðum við að huga að tímabundnum árangri félagsins. Við megum ekki gleyma okkur í framtíðinni því mælikvarði félagsins í dag er hinn tímabundni árangur og staða liðsins í töflunni. Hvað getum við gert í því? Það sem hinn almenni KR-ingur getur gert er að mæta á völlinn og styðja liðið. Rétt eins og við gerum kröfur á liðið okkar og þjálfara hljótum við að gera meiri kröfur til okkar sjálfra. Við, líkt og þjálfarar og leikmenn, getum gert miklu betur. Byrjum núna í kvöld þegar við tökum á móti Val á heimavelli okkar við Meistaravelli. Stöndum undir nafni, fylkjum liði, náum í vini okkar og nágranna, náum í KR-inginn í næsta húsi. Sýnum enn á ný hverjir eru bestir á Íslandi. Alltaf.

Allir sem einn.

Páll Kristjánsson, formaður knattspyrnudeildar

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 9 klukkutímum

Stórleikur í 2. deildinni verður spilaður á Hlíðarenda – Tólf ára gömul saga endurtekur sig

Stórleikur í 2. deildinni verður spilaður á Hlíðarenda – Tólf ára gömul saga endurtekur sig
433Sport
Fyrir 9 klukkutímum

Sérfræðingur í fótboltafjármálum segir Barcelona spila hættulegan leik – „Veðsetur framtíðina til að ná árangri í nútíðinni“

Sérfræðingur í fótboltafjármálum segir Barcelona spila hættulegan leik – „Veðsetur framtíðina til að ná árangri í nútíðinni“
433Sport
Fyrir 12 klukkutímum

Margrét Lára tekur þátt í Járnkarli í minningu Bryndísar Ýrar

Margrét Lára tekur þátt í Járnkarli í minningu Bryndísar Ýrar
433Sport
Fyrir 12 klukkutímum

Chelsea muni sætta sig við kröfur Leicester – Maguire ekki lengur dýrastur í sögunni

Chelsea muni sætta sig við kröfur Leicester – Maguire ekki lengur dýrastur í sögunni
433Sport
Fyrir 14 klukkutímum

Tæp vika síðan Chris steig fram vegna ömurlegrar mismununar á Selfossi – Formaðurinn í felum og aðrir vilja lítið gefa upp

Tæp vika síðan Chris steig fram vegna ömurlegrar mismununar á Selfossi – Formaðurinn í felum og aðrir vilja lítið gefa upp
433Sport
Í gær

Nunez biður alla í Liverpool afsökunar

Nunez biður alla í Liverpool afsökunar
433Sport
Í gær

Nú mjög ólíklegt að Rabiot komi til Manchester – Horfa til Real Madrid

Nú mjög ólíklegt að Rabiot komi til Manchester – Horfa til Real Madrid
433Sport
Í gær

Kemst upp með morð hjá Man Utd – ,,Versti liðsfélaginn“

Kemst upp með morð hjá Man Utd – ,,Versti liðsfélaginn“