fbpx
Laugardagur 06.ágúst 2022
433Sport

Rúnar var spurður út í gagnrýni Kára Árna – „Stend við þessi orð“

Helgi Sigurðsson
Laugardaginn 2. júlí 2022 11:00

Ekki missa af Helstu tíðindum dagsins í pósthólfið þitt

Lesa nánar

Rúnar Alex Rúnarsson, markvörður Arsenal og íslenska landsliðsins, var gestur í nýjasta þætti Chess After Dark. Þar fór hann yfir víðan völl.

Hann var meðal annars spurður út í þá gagnrýni sem karlalandsliðið fékk í síðasta landsleikjaglugga. Sérstaklega var tekin fyrir gagnrýni Kára Árnasonar, fyrrum landsliðsmanns til margra ára. Hann gagnrýndi hugarfar leikmanna og leik á æfingum, svo eitthvað sé nefnt.

„Ég er búin að sjá klippur af æfingum, þetta er serious buisness. Það brunnu allir heitar fyrir landsliðið en félagsliðið hjá okkur,“ sagði Kári á setti Viaplay eftir leik Íslands og San Marínó í síðasta mánuði. Hann og Rúrik Gíslason voru sérfræðingar í setti.

„Það vill þannig til að það er gaman að spila fótbolta. Þetta eiga að vera keppnismenn, það sem ég er að sjá af æfingum að þá eru þetta fíflalæti. Ég þoldi ekki svona, einhverjir leikir. Köttur og mús eða eltingaleikur, hvað er næst? Dimmalimm,“ sagði Kári einnig og var honum ekki skemmt.

„Mér fannst fullt af þessari gagnrýni ósanngjörn en líka alveg fullt sem átti rétt á sér. Við erum ekkert yfir það hafnir að það sé verið að gagnrýna okkur, en gagnrýni þarf að vera rétt borin fram. Það er enginn gagnrýni að segja „þessir kjúklingar eru ömurlegir“ og reyna að vera sniðugur með íslensku. Það verður að meika sense, það sem er sagt. Það var fullt sem maður sá og gat ekki annað en hrist hausinn yfir. Ég stend klárlega við þessi orð,“ sagði Rúnar Alex og átti þá við orð sín þar sem hann skaut á marga gagnrýnendur í síðasta landsleikjahléi.

Rúnar Alex lék á láni hjá Leuven í Belgíu á síðustu leiktíð. Nú snýr hann aftur til æfinga hjá Arsenal en framtíð hans er í óvissu.

„Það er ekki komið á hreint hvað gerist í sumar, hann er bara að fara til æfinga hjá Arsenal núna,“ sagði Magnús Agnar Magnússon, umboðsmaður Rúnars, í samtali við 433.is í vikunni.

Arsenal hefur gengið frá kaupum á Matt Turner en fyrir eru félagið með Aaron Ramsdale og Bernd Leno í sínum röðum. Búist er við að Leno fari í sumar og meiri líkur en minni eru á því að Rúnar fari frá Arsenal.

Rúnar er 27 ára gamall en hann hefur spilað fyrir Nordsjælland, Dijon, Arsenal og nú síðast Leuven á ferli sínum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 5 klukkutímum

Andar köldu á milli Heimis og Óla Jó? – ,,Ég held að hann sé ósáttur að hann hafi opnað þann möguleika“

Andar köldu á milli Heimis og Óla Jó? – ,,Ég held að hann sé ósáttur að hann hafi opnað þann möguleika“
433Sport
Fyrir 17 klukkutímum

2. deild: Aftur tapar Njarðvík mjög óvænt

2. deild: Aftur tapar Njarðvík mjög óvænt
433Sport
Fyrir 18 klukkutímum

Besta deild kvenna: Mikilvægur sigur Breiðabliks

Besta deild kvenna: Mikilvægur sigur Breiðabliks
433Sport
Fyrir 18 klukkutímum

Saliba eftir fyrsta leikinn: Hef beðið lengi eftir þessu

Saliba eftir fyrsta leikinn: Hef beðið lengi eftir þessu
433Sport
Fyrir 21 klukkutímum

Fyrsti Ítali sögunnar til að skrifa undir hjá Ajax

Fyrsti Ítali sögunnar til að skrifa undir hjá Ajax
433Sport
Fyrir 21 klukkutímum

Byrjunarlið Crystal Palace og Arsenal – Partey byrjar

Byrjunarlið Crystal Palace og Arsenal – Partey byrjar
433Sport
Í gær

Nálægt því að ganga í raðir Barcelona frá Chelsea

Nálægt því að ganga í raðir Barcelona frá Chelsea
433Sport
Í gær

Cucurella mættur til Chelsea og gæti orðið sá dýrasti í sögunni – Chelsea skaut á Brighton

Cucurella mættur til Chelsea og gæti orðið sá dýrasti í sögunni – Chelsea skaut á Brighton