Jude Bellingham mun velja það að ganga í raðir Real Madrid frekar en Liverpool að sögn Steve Nicol sem er goðsögn hjá því síðarnefnda.
Bellingham er gríðarlegt efni og spilar með Borussia Dortmund en er orðaður við stærstu félög heims og þar á meðal Liverpool.
Þessi 19 ára gamli leikmaður mun velja að ganga í raðir Real ef hann fær tækifærið að sögn Nicol, frekar en að snúa aftur til Englands.
,,Hann mun 100 prósent komast á toppinn. Ég tel að hann ætti að festast í sessi í enska landsliðinu og það segir sig sjálft að hann sé tilbúinn,“ sagði Nicol.
,,Hann á eftir að þroskast aðeins en hann er frábær fótboltamaður nú þegar og verður bara betri. Ég held að hann geti valið það sem hann vill.“
,,Öll lið með metnað munu vilja Jude Bellingham og ef hann fær að velja þá verður það Real Madrid, af hverju myndirðu ekki fara til Real?“