Alfons Sampsted lék fyrir lið Bodo/Glimt í dag sem þurfti að sætta sig við grátlegt tap gegn Odd í efstu deild Noregs.
Alfons spilaði allan leikinn í bakverðinum hjá Bodo sem virtist ætla að sækja þrjú stig þegar stutt var eftir.
Staðan var 2-1 þegar komið var á lokamínútu leiksins en á 97. mínútu þá jafnaði Isak Amundsen metin fyrir Odd.
Aðeins mínútu seinna var staðan orðin 3-2 fyrir Odd er Espen Ruud skoraði af vítapunktinum til að tryggja þrjá punkta í ótrúlegum leik.
Í efstu deild í Svíþjóð var einn Íslendingur í eldlínunni en Davíð Kristján Ólafsson lék með Kalmar sem gerði 1-1 jafntefli við Helsingborg. Davíð spilaði allan leikinn í bakverði.
Í B-deildinni þar í landi spilaði Alex Þór Hauksson með liði Oster sem tapaði 3-2 heima gegn Skovde AIK. Alex byrjaði en var tekinn af velli á 67. mínútu.
Þess má geta að Jón Daði Böðvarsson spilaði með Bolton í dag og skoraði er liðið lagði Chorley í æfingaleik, 3-1.