Manchester United skoðar stöðuna hjá Youri Tielemans miðjumanni Leicester. Það er The Times sem segir frá.
Tielemans á aðeins ár eftir af samningi sínum við Leicester og hefur ekki viljað framlengja dvöl sína.
Tielemans er 25 ára gamall Belgi og samkvæmt Times hefur Erik ten Hag áhuga á að krækja í hann.
Arsenal og Tottenham eru einnig að skoða stöðu Tielemans sem hefur átt góð ár hjá Leicester.
Ten Hag vill styrkja miðsvæði United en félagið er að kaupa Frenkie de Jong frá Barcelona og þá hefur félagið boðið Christian Eriksen samning.