William Saliba mun spila með Arsenal á næstu leiktíð nema ‘klikkað’ tilboð berist í leikmanninn í sumar.
Það er Fabrizio Romano sem segir frá þessu en Saliba hefur spilað með Arsenal frá árinu 2019 en fengið engin tækifæri.
Síðan þá hefur Saliba verið lánaður þrisvar til Frakklands og nú síðast til Marseille þar sem hann stóð sig vel.
Saliba er orðaður við brottför frá Arsenal og fleiri lánssamninga en samkvæmt Romano er enska liðið að treysta á hann fyrir næsta tímabil.
Arsenal mun aðeins skoða að losa Saliba ef risatilboð berst í leikmanninn en vill annars framlengja hans samning.
Mikel Arteta, stjóri Arsenal, er hrifinn af leikmanninum og vill nota hann á næsta tímabili.