Axel Freyr Harðarson hefur skrifað undir samning við Kódrengi og mun leika þar næstu tvö árin.
Þetta kemur fram í tilkynningu Kórdrengja í kvöld en Alex hafði verið á mála hjá Víkingi Reykjavík.
Þessi fjölhæfi leikmaður spilaði sex leiki með Víkingum í Bestu deildinni í sumar og þá tvo í Mjólkurbikarnum.
Axel er uppalinn hjá Blikum en hefur einnig spilað með Fram og Gróttu á sínum ferli.
Axel lék með Kórdrengjum í fyrra á láni og skoraði þá þrjú mörk í 12 leikjum.
Tilkynning Kórdrengja:
Kórdrengir hafa samið við Axel Frey Harðarson um að leika með liðinu næstu tvö árin, en hann kemur til félagsins frá Viking R.
Axel Freyr er 23 ára gamall framsækinn miðjumaður sem getur leyst margar stöður á vellinum. Við þekkjum Axel vel enda spilaði hann hjá okkur í fyrra á láni frá Víking R. og stóð sig með príði!