Tottenham er í viðræðum við Roma um kaup á Nicolo Zaniolo en nokkrir miðlar greina frá þessu í dag.
Tottenham ætlar að styrkja sig töluvert í sumarglugganum og er á sama tíma að reyna að losa þónokkra leikmenn.
Zaniolo verður 23 ára gamall í æsta mánuði en hann spilaði 42 leiki með Roma á síðustu leiktíð og er afar mikilvægur félaginu.
Upphæðin sem Tottenham er að bjóða er ekki þekkt að svo stöddu en liðið er reiðubúið að gefa Roma leikmenn í staðinn.
Sá leikmaður sem er mest nefndur er varnarmaðurinn Joe Rodon sem var fenginn til Tottenham af Jose Mourinho fyrir tveimur árum. Mourinho er í dag stjóri Roma.
Zaniolo er sóknarsinnaður miðjumaður og á að baki níu landsleiki fyrir Ítalíu.