Kepa Arrizabalaga, markvörður Chelsea, hefur gefið sterklega í skyn að hann muni yfirgefa félagið í sumar.
Kepa segist þurfa að fá meiri spilatíma en það eru afskaplega litlar líkur á að hann verði númer eitt á meðan Edouard Mendy er til taks í Londonm.
Kepa er dýrasti markvörður sögunnar og kostaði Chelsea 71,6 milljónir punda en stóðst í raun aldrei væntingar á Englandi.
Spánverjinn heimtar fleiri mínútur og er tilbúinn að fara ef það verður ekki í boði.
,,Eins og staðan er þá er ég leikmaður Chelsea en það sem er skýrt er að ég þarf að spila meira því þegar ég hef fengið tækifærið hef ég spilað mjög vel,“ sagði Kepa.
,,Vegna þess þá er tilfinningin að ég vil meira. Ég vil spila meira. Ég er hjá Chelsea og vil ná árangri hér en ef það er ekki hægt þá mun ég skoða aðra möguleika því ég þarf að spila.“
,,Ég er ekki örvæntingarfullur, í lok dags er ég hjá frábæru liði. Ég mun ræða við stjórann og við tökum ákvörðun. Skilaboðin eru hins vegar skýr, ég vil spila meira.“