Adrien Rabiot, miðjumaður Juventus, er fáanlegur í sumar fyrir aðeins 13 milljónir punda samkvæmt frétt Telegraph.
Rabiot var um tíma einn eftirsóttasti leikmaður Evrópu er hann ákvað að yfirgefa Paris Saint-Germain í Frakklandi.
Rabiot er í dag 27 ára gamall en hann samdi við Juventus árið 2019 og á að baki 94 deildarleiki.
Frakkinn verður samningslaus á næsta ári og mun Juventus gera það sem það getur til að losa leikmanninn áður en sá samningur rennur út.
Rabiot er sagður vilja fara í ensku úrvalsdeildina og semja við félag sem spilar í Meistaradeildinni.