Zinedine Zidane hefur ekki viljað taka við Manchester United því hann er einfaldlega ekki nógu góður í ensku.
Frakkinn greinir sjálfur frá þessu en hann var lengi orðaður við starfið í Manchester bæði í fyrra og á þessu ári.
Zidane hefur aldrei þjálfað né spilað á Englandi en hann er þekktastur fyrir tíma sinn hjá Real Madrid.
Það kom aldrei til greina fyrir Zidane að taka við keflinu í Manchester því enskan er ekki upp á tíu.
,,Þegar fólk spyr mig hvort ég vilji fara til Manchester, ég skil ensku en ég er ekki reiprennandi í tungumálinu,“ sagði Zidane.
,,Ég veit að stjórar fara til liða þar sem þeir tala ekki tungumálið en ég er ekki eins. Ég veit hvað ég þarf til að vinna.“