Markamaskínan Viðar Örn Kjartansson má yfirgefa herbúðir Valerenga í sumar ef ásættanlegt tilboð berst norska félaginu.
Viðar og forráðamenn félagsins hafa komist að þessu samkomulagi en Viðar skoðar nú kosti sína. VG í Noregi fjallar um.
Samkvæmt heimildum 433.is hafa íslensk félög sett sig í samband við Viðar á undanförnum mánuðum. Fram hafði meðal annars áhuga á að fá Viðar fyrir tímabilið og samkvæmt heimildum hefur Breiðablik einnig skoðað það að fá Viðar.
Viðar mun hins vegar fyrst skoða kosti sína erlendis en fjölskylda hans er flutt til Íslands.
Viðar er 32 ára gamall sóknarmaður sem raðað hefur inn mörkum í Kína, Noregi, Svíþjóð, Ísrael og fleiri löndum.
Viðar raðaði inn mörkum fyrir Valerenga árið 2014 og var seldur til Kína, hann snéri svo aftur til félagsins árið 2020.