Scott McTominay, miðjumaður Manchester United, slakar svo sannarlega ekki á í sumarfríinu. Hann er kominn í rosalegt form.
Það birtust einnig fréttir af Skotanum í fyrra þar sem hann hafði bætt á sig miklum vöðvamassa. Nú hefur hann bætt í.
McTominay birti í gær mynd af sér á Instagram þar sem má sjá að hann hefur eytt miklum tíma í ræktinni í sumar.
McTominay er 25 ára gamall. Hann kom upp í gegnum unglingastarf Man Utd.
Skotinn gerði sinn fyrsta atvinnumannasamning á Old Trafford árið 2017.
Hér fyrir neðan má sjá myndina af McTominay.