Markvörðurinn Neto hefur neitað því að yfirgefa spænska stórliðið Barcelona samkvæmt Sport á Spáni.
Um er að ræða markmann sem spilar ekki stóra rullu í liði Barcelona og vildi félagið losna við hann til að auka launakostnað annars staðar.
Mörg lið hafa sýnt Neto áhuga og þar á meðal Lazio á Ítalíu en Neto hefur spilað 21 leik fyrir Barcelona síðan hann kom árið 2019.
Samkvæmt Sport er Neto sáttur og ánægður á Spáni en hann mætti í raun yfirgefa félagið á frjálsri sölu.
Neto er samningsbundinn til 2023 og er það hans vilji að klára samninginn þó hann fái ekkert að spila.
Það fer í taugarnar á Barcelona sem er í miklum fjárhagsvandræðum og reynir að losa þá leikmenn sem spila lítið hlutverk.