Íslands- og bikarmeistarar Víkings Reykjavíkur mæta Inter Escaldes frá Andorra í kvöld í úrslitaleik um sæti í undankeppni Meistaradeildar Evrópu þetta tímabilið.
Víkingur vann Levadia Tallin, 6-1, í undanúrslitunum. Inter Escaldes vann La Fiorita frá San Marínó, 2-1.
Sigurvegari kvöldsins mætir Malmö í fyrstu umferð forkeppni Meistaradeildarinnar. Þar við stjórnvölinn Milos Milojevic. Hann er fyrrum þjálfari Víkings.
Það er óhætt að segja að Víkingur þykir mun sigurstranglegri aðilinn fyrir leik kvöldsins.
Leikurinn á milli Víkings og Inter Escaldes hefst klukkan 19:30 og fer fram á Víkingsvelli.