Grétar Rafn Steinsson fer að hefja störf hjá Tottenham en fjallað er um málið í ítarlegri grein The Athletic í dag.
Grétar Rafn var ráðinn til félagsins á dögunum og mun hafa umsjón með frammistöðu leikmanna hjá Tottenham.
Grétar hefur undanfarið starfað sem ráðgjafi hjá KSÍ en áður var hann hjá Everton en hætti þar í upphafi árs.
Í grein The Athletic er sagt að Grétar Rafn gangi hreint til verks en að fólk hjá Tottenham muni þurfa að venjast „Stál handabandi“ Grétars. Segir að leikmenn Everton hafi oft hlegið af því hversu sterkt handaband Grétars var þegar hann tók í hönd leikmanna.
Grétar mun starfa með Fabio Paratici yfirmanni knattspyrnumála hjá Tottenham og hefur störf 1 júlí.
„Hann er þekktur fyrir heiðarleika, hann gengur beint til verk og tekur ekki neinum skít,“ segir í grein The Athletic.
Sagt er að umboðsmenn kunni að meta hvernig Grétar gengur til verks. „Hann er eins og Pit Bull hundur, ef hann sér eitthvað og vill það þá fer hann og sækir það,“ segir Marcel Brands sem réð Grétar til Everton.
„Grétar kom að öllu hjá Everton, ekki bara hjá aðalliðinu,“ segir Brands. Hann segir að Grétar hafi fylgst með öllu hjá Everton og ekki bara einbeitt sér að aðalliðinu eins og margir vilji oft gera.
„Það er gott merki að hann hugsi um allt en ekki bara aðallið. Hann veit að allt er mikilvægt, þú getur treyst honum. Hann vinnur allan daginn.“
