Inter Escaldes 0 – 1 Víkingur R.
0-1 Kristall Máni Ingason (’69)
Það voru margir sem bjuggust við stórsigri Víkings R. í kvöld er liðið spilaði við Inter Escaldes í forkeppni Meistaradeildarinnar.
Víkingar unnu Levadia Tallin sannfærandi 6-1 á þriðjudag og var andstæðingur kvöldsins ekki mikið betra lið.
Aðeins eitt mark var þó skorað í leik kvöldsins og voru það Víkingar sem höfðu betur á Víkingsvelli.
Kristall Máni Ingason sá um að skora mark Víkinga á 69. mínútu sem dugar til að fleyta liðinu áfram í næstu umferð.
Svíþjóðarmeistararnir í Malmö eru næstu andstæðingar Víkinga sem verður allt önnur áskorun en í kvöld.