Nick Pope hefur verið staðfestur sem nýr markmaður Newcastle en félagaskiptin hafa legið í loftinu undanfarna daga.
Þetta er alvöru blóðtaka fyrir lið Burnley sem féll úr ensku úrvalsdeildinni á síðustu leiktíð.
Talið er að Newcastle borgi um 10 milljónir punda fyrir Pope sem verður aðalmarkvörður á næsta tímabili.
Pope er landsliðsmaður Englands og vildi halda sér í efstu deild fyrir HM í Katar sem fer fram í lok árs.
Pope er þrítugur að aldri en hann spilaði með Burnley frá 2016 til 2022.