Franskir fjölmiðlar segja frá því að PSG vilji selja Neymar í sumar og ekkert pláss sé fyrir hann í nýrri hugmyndafræði féalgsins.
Luis Campos er nýr yfirmaður knattspyrnumála og vill hann fá Christophe Galtier til að taka við af Mauricio Pochettino.
Campos og Galtier vilja breyta leikaðferð PSG og spila 3-5-2 kerfið. Telja þeir að með því sé hægt að ná því besta úr meðal ananrs Kylian Mbappe, Lionel Messi og Achraf Hakimi.
Foot Mercato segir að Campos vilji selja Neymar í sumar en óvíst er hvaða kaupendur eru til staðar. Hans gamla félag, Barcelona á ekki mikla peninga í dag.
Neymar er dýrasti leikmaður í sögu fótboltans en hann hefur ekki fundið sinn besta takt á síðustu árum hjá PSG.
Neymar kom til PSG árið 2017 fyrir 200 milljónir punda en hann hefur skorað 100 mörk í 144 leikjum.