ÍA og FH áttust við í Bestu deild karla í kvöld en um var að ræða fyrsta leik FH undir stjórn Eiðs Smára Guðjohnsen.
Eiður tók við FH á dögunum af Ólafi Jóhannessyni sem var rekinn eftir jafntefli við Leikni í síðustu umferð.
FH byrjar tíð Eiðs með jafntefli en leik kvöldsins lauk 1-1 á Akranesi þar sem FH-ingar kláruðu leikinn með tíu menn.
Kaj Leo í Bartolsstovu kom ÍA yfir gegn sínum fyrrum félögum á 49. mínútu en Matthías Vilhjálmsson tryggði FH stig þegar 14 mínútur voru eftir.
Davíð Snær Jóhannsson fékk rautt spjald hjá FH mínútu síðar og náðu tíu gestir að halda út.
Valur vann sinn annan sigur í röð í deildinni á sama tíma eftir frábær þrjú stig gegn Blikum í síðustu umferð.
Leiknir Reykjavík var andstæðingur kvöldsins en Valsmenn fögnuðu 2-1 sigri eftir að hafa lent undir snemma leiks.
Arnór Smárason og Tryggvi Hrafn Haraldsson sneru blaðinu við fyrir Val sem virðist vera að komast í gang.
ÍA 1 – 1 FH
1-0 Kaj Leo Í Bartalstovu (’49)
1-1 Matthías Vilhjálmsson (’76)
Valur 2 – 1 Leiknir R.
0-1 Mikkel Dahl (’14)
1-1 Arnór Smárason (’16)
2-1 Tryggvi Hrafn Haraldsson (’65)