Neymar, stjarna Paris Saint-Germain, hefur engan áhuga á því að yfirgefa franska stórliðið sem gæti þurft að selja til að virða fjárlög UEFA.
PSG gæti verið í vandræðum með að jafna bækurnar næstu mánuði og myndi sala á einum besta leikmanni heims gera mikið.
Spænskir og franskir miðlara hafa fjallað um málið og um að nokkur félög í Evrópu horfi til Neymar sem er gríðarlega góður leikmaður.
Kylian Mbappe skrifaði nýlega undir nýjan samning við PSG en hann mun fá 650 þúsund pund á viku sem er stjarnfræðileg upphæð.
Mörg spurningamerki eru í kringum vinnubrögð franska félagsins en UEFA fylgist grant með gangi mála og verður erfitt fyrir liðið að kaupa inn rándýra leikmenn miðað við núverandi launakostnað.
Neymar reyndi áður að komast aftur til Barcelona en í dag hefur hann engan áhuga á að fara og tekur félagaskipti í raun ekki í mál.
PSG þarf því að finna aðra lausn á þessu máli en Neymar og Mbappe eru lang dýrustu leikmenn liðsins í dag.