Jónatan Ingi Jónsson hefur byrjað nokkuð vel með sínu nýja liði Sogndal sem spilar í B-deild í Noregi.
Jónatan var seldur frá FH rétt áður en Íslandsmótið hér heima hófst sem var mikil blóðtaka fyrir Hafnfirðinga.
Sogndal mætti Skeid á útivelli í Noregi í kvöld og þar spilaði Jónatan allar 90 mínúturnar í 3-2 sigri.
Kantmaðurinn komst einnig á blað en hann skoraði þriðja mark Sogndal á 78. mínútu til að koma liðinu í 3-1.
Valdimar Þór Ingimundarson spilaði einnig allan leikinn á miðjunni en Hörður Ingi Gunnarsson fékk ekki að koma við sögu.