Enska úrvalsdeildarfélagið Chelsea hefur mikinn áhuga á því að losna við Belgann Romelu Lukaku í sumar.
Lukaku er sjálfur áhugasamur um að komast burt frá félaginu en hann var keyptur til London fyrir 97,5 milljónir punda í fyrra.
Tímabilið var hins vegar ekki frábært fyrir Lukaku sem vill komast aftur til Ítalíu og semja við Inter Milan þar sem hann var áður.
Chelsea vildi upprunarlega fá 21 milljón punda fyrir það að lána Lukaku í heilt tímabil en hefur nú minnkað þá upphæð verulega samkvæmt Goal.
Goal greinir frá því að Chelsea sé tilbúið að hleypa Lukaku burt fyrir 10 milljónir punda í sumar á láni eftir boð frá Inter sem hljómaði upp á sex milljónir.
Inter hefur einnig mikinn áhuga á að fá Lukaku aftur í sínar raðir en mun ekki borga risaupphæð til að kaupa hann endanlega og er lán því eini kosturinn.