Í Fréttablaðinu í dag er fjallað um það að fleiri en einn og fleiri en tveir leikmenn í íslenska landsliðshópnum hafi lesið um það á netinu að þeir væru valdir í hóp Arnars Þórs Viðarssonar.
Í Fréttablaðinu segir að leikmenn sem lásu um valið á sjálfum sér á netinu hafi verið nokkuð hissa. Enginn hafði látið þá vita að velja ætti þá í endanlegan hóp.
„Heimildarmaður Fréttablaðsins segir að samskipti þjálfarateymis við leikmenn sem koma til greina í landsliðið séu lítil. Nánast engin samskipti eiga sér stað á milli verkefna og nú þegar valið er í hópinn eru nokkrir leikmenn sem lesa um það á vefmiðlum að krafta þeirra sé óskað í landsliðinu,“ segir í frétt Fréttablaðsins.
Liðið leikur þrjá leiki í Þjóðadeildinni í júní en um er að ræða fyrstu keppnisleiki ársins en liðið leikur að auki æfingaleik gegn San Marínó.