Þrír leikir fóru fram í 16-liða úrslitum Mjólkurbikars kvenna í dag.
KR heimsótti ÍA og vann stórsigur, 0-6. Bergdís Fanney Einarsdóttir og Ísabella Sara Tryggvadóttir gerðu báðar tvö mörk í leiknum. Hin mörkin skoruðu þær Rasamee Phonsongkham og Laufey Björnsdóttir.
Þór/KA vann einnig stórsigur en liðið tók á móti Haukum. Tiffany Janea Mc Carty, Andrea Mist Pálsdóttir, Margrét Árnadóttir, Sandra María Jessen og Hulda Ósk Jónsdóttir skoruðu fyrir Þór/KA og auk þess gerði Viktoría Diljá Halldórsdóttir í liði Hauka sjálfsmark.
Loks heimsótti Stjarnan FH. Arna Dís Arnþórsdóttir skoraði eina mark leiksisn og tryggði Stjörnunni sæti í 8-liða úrslitum Mjólkurbikarsins.
KR, Stjarnan og Þór/KA fara þá í hóp með Þrótti yfir þau lið sem eru þegar komin í 8-liða úrslit.