Byrjað er að ræða og rita um framtíð Heimis Guðjónssonar sem þjálfara Vals eftir slæmt 6-2 tap gegn Breiðablik í bikarnum í gær.
Valur hefur tapað þremur leikjum í röð, í deildinni gegn Stjörnunni og Val og svo gegn Breiðablik í bikarnum í gær. Valur spilaði illa á síðustu leiktíð og framtíð Heimis var til umræðu þá.
„Þeir voru eins og kettir að labba í kringum heitan graut,“ sagði Hrafnkell Freyr Ágústsson sérfræðingur Dr .Football um bikarþáttinn á RÚV í gær þar sem Hörður Magnússon og Logi Ólafsson ræddu framtíð Heimis.
Hjörvar Hafliðason tók þá til máls. „Heimir og Höddi eru mjög nánir vinir, Logi Ólafs tók hann upp á Skaga. Svona var þetta alltaf, allir þekkja alla. Hér eru hlutirnir sagðir, þetta er búið,“ sagði Hjörvar.
Hrafnkell ræddi þá málið. „Þetta er löngu búið, fyrir mér er bara einn þjálfari sem er á lausu sem er málið. Það er Heimir Hallgrímsson,“ sagði Hrafnkell.
Hjörvar segir að Valsmenn eigi þó ekki að breyta bara til að breyta. „Hvað geta Valsmenn gert? Ég myndi leyfa Heimi sprikla þangað til ég myndi finnast rétta manninn. Reyndu að finna einhverja lausn, ekki fara í neitt nema þú sért með lausn.“