Hermann Hreiðarsson þjálfari ÍBV og Guðjón Pétur Lýðsson leikmaður liðsins lentu í áflogum síðustu helgi.
Atvikið átt sér stað í leik ÍBV og ÍA sem endaði með markalausu jafntefli í Bestu deild karla.
Þegar Hermann tók Guðjón af velli í leiknum þá sauð allt upp úr, þeir félagar fóru haus í haus og sjá mátti þjálfarann ýta við Guðjóni.
Sparkspekingurinn Kristján Óli Sigurðsson vakti athygli á málinu á Twitter og skrifar. „Umrætt atvik í Vestmannaeyjum. Hemmi Hreiðars og Gauji Lýðs haus í haus,“ skrifar Kristján.
ÍBV hefur ekki farið vel af stað í Bestu deild karla en liðið kom upp í efstu deild fyrir þessa leiktíð. ÍBV situr í 11 sæti deildarinnar og á eftir að vinna leik eftir sjö umferðir.
Atvikið má sjá hér að neðan.