Roma varð í gær fyrsta félagið til að vinna Sambandsdeild Evrópu er lærisveinar Jose Mourinho lögðu Feyenoord að velli í úrslitaleiknum.
Leiknum lauk með 1-0 sigri Roma. Nicolo Zaniolo gerði eina mark leiksins á 32. mínútu.
Feynoord kom sterkara til baka í seinni hálfleikinn en svo dró aðeins af hollenska liðinu og var forystu Roma ekki ógnað mikið. Ítalirnir voru agaðir til baka og gáfu fá færi á sér.
Jose Mourinho, stjóri Roma, hefur þar með unnið alla Evrópumeistaratitlana, Meistaradeildina, Evrópudeildina og nú Sambandsdeildina.
Rómverjar ákváðu að trufla blaðamannafund Portúgalans eftir leikinn í gær og skvettu á hann vatni. Mourinho lét ekki á sér standa og tók þátt í fagnaðarlátunum sem voru gífurleg enda um fyrsta Evrópubikar Roma að ræða.
The moment José Mourinho’s post-match press conference was interrupted so the celebrations could continue 🍾😆#UECLfinal pic.twitter.com/7012pAinFj
— Football on BT Sport (@btsportfootball) May 25, 2022