Róbert Orri Þorkelsson lék allan leikinn fyrir CF Montreal er liðið vann 3-0 sigur á Forge í átta-liða úrslitum kanadíska bikarsins í gær.
Sunusi Ibrahim skoraði öll mörkin í leiknum. Montreal mætir Toronto í undanúrslitum þann 21. júní næstkomandi.
Montreal er ríkandi bikarmeistari eftir sigur gegn Toronto í úrslitunum í fyrra.
Róbert Orri er 20 ára gamall varnarmaður en hann gekk til liðs við Montreal frá Breiðablik í fyrrasumar og hefur leikið með yngri landsliðum Íslands.