Aston Villa hefur verið athafnasamt í sumarglugganum hingað til en Sky Sports News greinir frá því að félagið sé að festa kaup á Diego Carlos, leikmanni Sevilla á Spáni.
Carlos, sem er varnarmaður, flýgur til Englands seinna í dag til að fara í læknisskoðun og ganga frá samningnum.
Villa tilkynnti komu miðjumannsins Boubacar Kamara til félagsins á mánudaginn en hann skrifar undir fimm ára samning við Villa um leið og samningurinn hans hjá Marseille rennur út í lok júní.
Newcastle komst nálægt því að krækja í Carlos í janúarglugganum en náði ekki að komast að samkomulagi við Sevilla um kaupverðið á leikmanninum.