Knattspyrnugoðsögnin Zlatan Ibrahimovic verður frá í sjö til átta mánuði eftir aðgerð á hné. Félagið hans, AC Milan, staðfesti þetta.
Zlatan varð Ítalíumeistari með Milan um helgina. Um fyrsta meistaratitil félagsins í ellefu ár var að ræða.
Nú tekur við sumarfrí í deildinni og fer Svíinn því í aðgerð núna.
Zlatan er 40 ára gamall og hefur hann ekki tekið ákvörðun um það hvort hann muni stíga á knattspyrnuvöllinn á ný.
Zlatan var ekki í stóru hlutverki innan vallar hjá Milan á leiktíðinni en lék þó 23 leiki og skoraði í þeim átta mörk.