Vincent Kompany hefur rift samningi sínum við Anderlecht en hann hefur undanfarin ár verið þjálfari liðsins. Félagið staðfestir tíðindin.
Kompany er sagður taka við Burnley sem féll úr ensku úrvalsdeildinni um helgina en þar er Jóhann Berg Guðmundsson leikmaður liðsins.
Kompany vill starfa á Englandi en þar lék hann lengi vel með Manchester City og var fyriliði félagsins.
Alan Pace eigandi Burnley vill ráða nýjan þjálfara á næstu dögum en Mike Jackson stýrði liðinu tímabundið eftir að Sean Dyche var rekinn.