Manchester United er sagt nálægt því að ganga frá kaupum á Jurrien Timber frá Ajax. Pedro Almeida sérfræðingur í félagaskiptum fjallar um málið.
Hann segir að United hafi náð samkomulagi við Ajax um að borga 30 milljónir punda fyrir Timber.
Fjallað hefur verið um að Erik ten Hag nýr stjóri liðsins vilji ólmur fá þennan tvítuga varnarmann til United.
Timber er bæði hægri bakvörður og miðvörður en Ten Hag er að hefja störf hjá United og þarf að laga og hreinsa til í leikmannahópi félagsins.
Umboðsmaður Timber setti inn færslu í síðustu viku þar sam hann sagðist vera að klára viðskipti og halda margir að þar sé átt við Timber.