Þau voru heldur neyðarleg, mistökin hjá starfsmanni Breska Ríkisútvarpið (BBC) sem urðu til þess að niðrandi setning um Manchester United birtist í beinni útsendingu á skjám landsmanna í morgun. BBC hefur nú beðist afsökunar á mistökunum sem kom frá starfsmanni sem var að læra að setja inn texta á fréttaborða sem rúllar stöðugt í beinni útsendingu neðst á skjánum á fréttarás sjónvarstöðva BBC.
‘Manchester United er rusl’ voru skilaboðin sem birtust neðst í útsendingu BBC á fréttaborða en það var Scott Bryan, einn af starfsmönnum BBC sem vakti athygli á mistökunum í færslu á samfélagsmiðlinum Twitter fyrr í dag.
Útskýringin sem gefin var út vegna mistakanna var sú að starfsmaður hjá ríkismiðlinum hafi óvart birt texta í umræddum borða þegar að hann var að læra að skrifa inn í hann.
,,Áðan birtist texti á fréttaborðanum okkar sem tengdist Manchester United. Ég vona að stuðningsmenn félagsins hafi ekki móðgast en leyfið mér að útskýra hvað fór úrskeiðis. Bak við tjöldin var verið að kenna starfsmanni á fréttaborðann. Umræddur einstaklingir setti þá fram tilviljunakennda setningu og sú setning birtist því miður í beinni útsendingu. Við biðjumst afsökunar á þessum mistökum. Við vildum bara útskýra þetta,“ sagði fréttaþula BBC í beinni útsendingu fyrr í dag.
UPDATE: BBC News have apologised.
They say that a trainee was learning how to write text for the ticker and accidentally published them onto the BBC News Channel. pic.twitter.com/OkjPIkJAoo
— Scott Bryan (@scottygb) May 24, 2022