Everton tók á móti Manchester United í fyrsta leik dagsins í ensku úrvalsdeildinni.
Leikurinn var ekki sá fjörugasti og var lítið um góð færi á báða bóga. Gestirnir voru meira með boltann en ógnuðu lítið.
Eina mark leiksins gerði hinn ungi Anthony Gordon á 27. mínútu.
Heimamenn börðust fyrir stigunum í lokin, enda eru þau ansi mikilvæg í fallbaráttunni.
Eftir leikinn í dag er Ralf Rangnick, stjóri Man Utd, aðeins með 47% sigurhlutfall með Man Utd í ensku úrvalsdeildinni. Það er það lægsta sem nokkur stjóri liðsins í nokkurri keppni hefur verið með.
Rangnick tók við stjórn liðsins til bráðabirgða af Ole Gunnar Solskjær seint á síðasta ári.