Juventus heimsótti Cagliari í Serie A á Ítalíu í kvöld.
Heimemenn fengu draumabyrjun þegar Joao Pedro kom þeim yfir á 10. mínútu.
Forystan lifði allt þar til undir blálok fyrri hálfleiks. Þá stangaði Matthijs de Ligt boltann í netið og jafnaði fyrir Juventus.
Markahrókurinn Dusan Vlahovic tryggði Juve svo sigurinn með marki þegar stundarfjórðungur lifði leiks. Lokatölur 1-2.
Juventus er í fjórða sæti deildarinnar með 62 stig. Cagliari er í því sautjánda með 25, 3 stigum fyrir ofan fallsæti.