Neil Warnock hefur staðfest það að hann er hættur knattspyrnuþjálfun.
Hinn 73 ára gamli Warnock stýrði Middlesbrough á síðustu leiktíð. Það var hans síðasta starf í þjálfun. Nú er ljóst að þau verða ekki fleiri.
Warnock hefur stýrt fjöldanum öllum af liðum í ensku deildarkeppninni á ferli sínum. Hann hefur verið hjá félögum á borð við Leeds, Crystal Palace, QPR, Sheffield United og Cardiff svo einhver séu nefnd.
Warnock er litríkur karakter sem kallaði svo sannarlega ekki allt ömmu sína á hliðarlínunni.
