Tottenham er í miklu stuði í ensku úrvalsdeildinni um þessar mundir. Liðið heimsótti Aston Villa í síðasta leik dagsins.
Heung-Min Son kom Tottenham yfir strax á 3. mínútu leiksins. Heimamenn voru betri aðilinn heilt yfir í fyrri hálfleiknum en tókst ekki að jafna.
Gestirnir gengu hins vegar algjörlega frá leiknum í seinni hálfleik. Dejan Kulusevksi tvöfaldaði forystu þeirra á 50. mínútu. Stundarfjórðungi síðar skoraði Son sitt annað mark.
Son fullkomnaði svo þrennu sína með fjórða marki Tottenham á 71. mínútu. Lokatölur 0-4.
Tottenham er í fjórða sæti deildarinnar með 57 stig, 3 stigum meira en Arsenal sem á leik til góða.
Villa situr í tólfta sæti með 36 stig.
