Wayne Rooney stjóri Derby viðurkennir að hann öfundi Cristiano Ronaldo og segir að allir knattspyrnumenn í heiminum fyrir utan Lionel Messi geri það.
Ronaldo framherji Manchester United skaut fast til baka á Wayne Rooney fyrrum samherja sinn eftir orð hans í sjónvarpi.. Rooney fyrrum fyrirliði Manchester United segir að félagið eigi að losa sig við Paul Pogba og Cristiano Ronaldo í sumar.
„Ronaldo hefur verið að skora mörk. Ef þú horfir samt á framtíð félagsins þá ertu með yngri og hungraða leikmenn. Þú þarft menn sem virka á næstu árum,“ sagði Rooney á Sky Sports.
„Ronaldo er að eldast, hann er ekki sami leikmaður og á áður. Það er auðvitað bara eðlilegt, hann skorar mörk en það þarf meira í leiknum í dag. Þú þarft unga og hungraða leikmenn.“
Rooney birti svo mynd af sér í myndveri á Instagram og þar mætti Ronaldo til að svara fyrir. „Tveir afbrýðisamir,“ skrifar Ronaldo við myndina og birtir þar með mynd af augum sem horfa á þá félaga.
Rooney var spurður út í ummæli Ronaldo. „Það er ekki til sá fótboltamaður sem öfundar ekki Cristiano Ronaldo,“ segir Rooney.
„Ferilinn er magnaður, allir titlarnir, magavöðvarnir, líkaminn. Allir leikmenn fyrir utan Lionel Messi öfunda Ronaldo.“